شبكة كورة بلدنا الرياضية | خليها على الله .. دوري اللي يحب النبي .. يزق

خليها على الله .. دوري اللي يحب النبي .. يزق

خليها على الله .. دوري اللي يحب النبي .. يزق

03 أغسطس 2018

14.36:13 م

خليها على الله
غازي غريب
دوري اللي يحب النبي .. يزق
---------------------------------------
والدوري بتاعنا في غزة المنسية .. يادوب عم يمشي .. بده حدا يدفشه دفشه .. بيحكو عن منحة الرئيس .. والمنحة في علم الغيب ولو فيها زيت لضوت .. والراعية اوريدو Oreedoo لسه محدش حط حاجة في ايدو .. بيقولوا في نوفمبر .. تعال يا نوفمبر .. روح يا نوفمبر .. والاندية كحيانة .. ومن ناس كتير متداينة .. حتى اتحاد الكورة عليه ديون حوالي ميه وخمسين الف من الدولارات .. خلصنا اربع اسابيع .. والاسبوع الجاي على كف عفريت .. يا بتدرهمونا .. يا بتفقدونا .. وناس الكل محتاس .. باعرف نادي كبير اول امبارح كان صندوقه فش فيه الا 16 دولار فقط لا غير واستدان 1000 دولار بشيك مؤجل الدفع لحد ميفرجها ربنا .. وكل الاندية قالت لجماهيرها .. من ناحية الباصات فنيتو خلاص .. وبح يا حبايب وكل واحد يدبر حالو لحد ما جماهير شباب رفح راحت ع دير البلح بالبسكليتات .. 25 كيلو رايح وزيهن جاي .. واتحاد الكورة لا توخدوا مني ولا تعطوني .. سكتم بكتم .. واعمل لدوريك كانه مستمر ابدا .. واعمل حسابك كانه يتوقف غدا ... وكمان .. كل امور غزة فارطة فارطة .. هيه اجت ع قد الكورة ..
ويرجع مرجوعنا لدورينا .. دوري خالي الدسم .. وقليل الهمم .. تقولش باخه عليه حيه .. مستمر الانهيار في الاداء من تلات سنوات فاتن .. وكل دوري اضعف من اللي قبله .. فش فيه لعيبة عليها العين .. وفش فريق ممكن تميزه عن التاني .. والكل بلا استثناء اسبوع في الطالع اسبوع في النازل .. خربطيطة .. بيقولوا : بدري على هالكلام .. لا بدري ولا حاجة .. المكتوب بيبان من عنوانه .. قلة تهديف غير مسبوقة 38 هدف في 24 مباراة بمعدل 1 ونص هدف في كل مباراة مش شطارة مدافعين لكن تياسة مهاجمين .. ومعدل التهديف في النازل اسبوع ورا اسبوع ... 12 بعدين 10 بعدين 9 .. وفي الرابع 7 .. الناس بتحمى فرقنا بتبرد .. وخلينا نحكي عن كل فريق بفريقه من واقع الارقام في الجدول الهمام
* اتحاد خانيونس : متصدر من غير ولا هزيمة .. يشترك مع كل الاندية في عقم التهديف .. ومدربه محمد صيدم زي حسام حسن الروح قبل اللعب . اتوقع وجوده في المربع الذهبي .
* الهلال : انا والا مش انا .. ربك لما يريد بيخلي لعيبته حديد .. والولد ابن ابو دياب .. شايل الفرقة كالعادة .
* شباب خانيونس : ياما تحت السواهي دواهي .. زي الصعيدي اللي لابد في القصب بعدين يضرب ضربته .. وحنيدق ضايل لحد ما ابنه يلعب راس حربه قدامه .
* شباب جباليا : بيشبط وبيخبط وريحة البطوله فيه .. لو صدقوت توقعات الحاج وليد شاهين انا طافش من هالبلد .
* خدمات رفح : فريق بطولة .. بس مايل والميله غاشياه..لعيبته مش حاسين بقيمته .
* بيت حانون الاهلي : الحوانين جايين وفي الممتاز ضايلين .. مش خلصانين مع الاهلي لسه جايينا بيت حانون الرياضي .. عشان الفرق تروح 22 ماتش على ملعب الرعب .
* شباب رفح : شطح وما نطح .. صار له طعم ولون .. و يا خسارة الحلو ما يكملشي .. فش تهديف .. اسامينا شو اتعبونا اسامينا .. وسامحونا .
* الصداقة : بعد البطولة اليتيمة صار مغراقة .. مش لاقي تفسير ولا تاويل
* غزة الرياضي : على احواله مش راضي .
* الشجاعية : بده فك رقبة .. حاجة لله .. واللقم بتزيل النقم .. بيعمل كل حاجة في الكورة .. فش تهديف .. وبيخسر one shot one goal
* خدمات خانيونس : رغم فوزه على الزعيم الا حالته ما بتسرش .. دفاعاته نيله .. اضعف دفاع في الدوري .. اذا ما فاقش ع البدري .. الاولى مستنياه .
* الشاطئ : لغز الموسم وكل موسم .. ادارته جابت له لبن العصفور .. مش راضي يرتفع لمستوى جماهيره .. واه يا خوفي من اخر المشوار اه يا خوفي .
******* اخر الكلام********
مش بدري ولا حاجة .. الدور ي السنة هادي في الجنوب
---------------------------------------------------------------------
كمان بصوا في صورتي كويس بتشوفوا حال الدوري